|
Ամենօրյա  |
ԱՀ ԳՆ ՍԱՇՍՇՊ պետական ծառայությունը ներկայացրել է վերջին օրերի գործունեության արդյունքները
16/02/2022  ԱՀ գյուղատնտեսության նախարարության Սննդամթերքի անվտանգության, շուկայի և սպառողների շահերի պաշտպանության պետական ծառայության կողմից սույն թվականի փետրվարի 1-ից 15-ն ընկած ժամանակահատվածում դիտարկումներ են իրականացվել հանրապետության թվով 32 տնտեսավարող սուբյեկտների մոտ, որոնց արդյունքում արձանագրվել է հետևյալը. թվով 8 տնտեսավարող սուբյեկտների մոտ սննդի շղթայում ներգրավված անձանց ԱՀ օրենսդրությամբ ներկայացվող պահանջների համապատասխանության խախտումներ չեն արձանագրվել, իսկ խախտում թույլ տված տնտեսավարող սուբյեկտներին տրվել են հանձնարարականներ և սահմանվել ժամկետներ՝ խախտումները վերացնելու համար:Նույն ժամանակահատվածում Ստեփանակերտ և Ասկերան քաղաքներում իրականացվել են թվով 8 ուսումնամեթոդական շրջայցեր՝ թվով 79 տնտեսավարող սուբյեկտների (իրացման կազմակերպություններ` 27, հացի և լավաշի արտադրության կազմակերպություններ` 21, հրուշակեղենի արտադրության կազմակերպություններ` 11, ուսումնական հաստատություններ` 20) և շրջիկ առևտրով զբաղվող 23 տնտեսավարող սուբյեկտի մոտ: Շրջայցի ընթացքում ծառայության տնտեսավարող սուբյեկտների հետ տարվել են բացատրական աշխատանքներ և իրականացվել հսկողություն՝ հակահամաճարակային կանոնների պահպանման նկատմամբ:
Ծառայության մասնագետները իրականացրել են նաև բուսական ծագում ունեցող սննդամթերքում նիտրատների առավելագույն մնացորդային քանակների չափումներ, ինչից պարզ է դարձել, որ բուսական ծագում ունեցող սննդամթերքում առավելագույն մնացորդային քանակները համապատասխանում են կառավարության կողմից հաստատված նորմերին:
|
