Խոսվել է 2021 թ. համայնքում գյուղատնտեսության ոլորտում կատարված աշխատանքների մասին: Անդրադառնալով դրանց, նախարարը ողջունել է համայնքում ջերմատնային տնտեսությունների և այգիների հիմնման աննախադեպ ակտիվությունը և ներկաների ուշադրությունը հրավիրել այն հանգամանքին, որ շրջանի վարելահողերը ոչ ամբողջ ծավալով են մշակվում: Բացի դրանից, հաշվի առնելով հացահատիկային մշակաբույսերի ցածր բերքատվությունը, նախարարը խորհուրդ է տվել ուշադրություն դարձնել բազմամյա կերային մշակաբույսերի մշակությանը՝ ելնելով, դրանց բարձրարժեքությունից և շահութաբերությունից: Միաժամանակ դրանք հետագայում կարող են լավ նախորդ ծառայել հացահատիկայինների համար՝ ցանքաշրջանառության սխեմայում:

Բնակչությանը հորդորելով առավել

ակտիվորեն ներգրավվել գյուղատնտեսության նախարարության կողմից իրականացվող ծրագրերում, Նորայր Մուսայելյանը հակիրճ ներկայացրել է դրանց ուղղվածությունը և բովանդակությունը:

«Խնդրում եմ բոլորիդ ավելի սրտացավորեն վերաբերվել մեր ունեցած գյուղատնտեսական ռեսուրսներին, օգտագործել դրանք խնայողաբար և հնարավորինս ռացիոնալ: Այս մոտեցումը խրախուսելու համար Նախատեսում ենք սահմանել բարեխիղճ շահառուների ցանկ, ովքեր հետագայում պետական աջակցության ծրագրերից կօգտվեն առավել արտոնյալ պայմաններով, իսկ անբարեխիղճները, հակառակը, կզրկվեն դրանցից օգտվելու հնարավորությունից»,- ասել է նախարարը:

Նորայր Մուսայելյանը պատասխանել է բնակիչներին հուզող հարցերին, լսել նրանց առաջարկությունները:

Այցի ընթացքում նախարարին ուղեկցել են նախարարի տեղակալներ Տիգրան Առստամյանն ու Վիլեն Ավետիսյանը: