• Նախարարություն
  • Նախարար
  • Կառուցվածք
  • Կանոնադրություն
  • Գյուղատնտեսության նախկին նախարարներ
• Գյուղատնտեսությունն Արցախում
  • Գյուղատնտեսության զարգացման տեմպերն ըստ տարիների
  • Գյուղատնտեսության զարգացման պայմաններն ու նախադրյալները ԼՂՀ-ում
• Բուսաբուծություն և բույսերի պաշտպանություն
  • Դաշտավարություն
  • Այգեգործություն
  • Բույսերի պաշտպանություն
  • Սերմնաբուծություն
  • Օրգանական գյուղատնտեսություն
• Անասնաբուծություն և անասնաբուժություն
  • Անասնաբուծություն
    • Տավարաբուծություն
    • Ոչխարաբուծություն
    • Խոզաբուծություն
    • Թռչնաբուծություն
    • Մեղվաբուծություն
    • Ձկնաբուծություն
  • Անասնաբուժություն
    • Հակահամաճարակային միջոցառումներ
    • Հիվանդություններ
• Ագրովերամշակում
• Մասնագիտական խորհրդատվություն և ցուցումներ
  • Խորհուրդ հողօգտագործողներին
  • Մշակաբույսերի մշակության տեխնոլոգիա
  • Բույսերի հիվանդությունների ու վնասատուների դեմ պայքարի միջոցներ
• Իրավական ակտեր
  • Օրենքներ
  • Որոշումներ
  • Նախարարի հրամաններ
  • Լիցենզավորում
  • ՀԱՅԵՑԱԿԱՐԳ
• Թափուր աշխատատեղեր
• Մեդիա
  • Պաշտոնական լրահոս
  • Տեսանյութեր
  • Մամուլը մեր մասին
  • Արխիվ

ՓՈԽԸՄԲՌՆՄԱՆ  ՀՈՒՇԱԳԻՐ

GARD AgroService   ԿԱԶՄԱԿԵՐՊՈՒԹՅԱՆ  ՀԵՏ

       Անցյալ տարվա դեկտեմբերին ԼՂՀ գյուղատնտեսության նախարարության և համաշխարհային Ճանաչում ունեցող CARD AgroService կազմակերպության միջև ստորագրվեց  փոխըմբռնման հուշագիր, որը լուրջ խթան կհանդիսանա թե՜ Լեռնային Ղարաբաղի, և թե՜ Հայաստանի հանրապետությունների ժողովրդական տնտեսության զարգացման գործում:

Փոխըմբռման հուշագրի առանցքային հիմնադրույթը գյուղատնտեսության զարգացման, գյուղատնտեսական ծառայությունների մատուցման ոլորտում համագործակցության լայն շրջանակներ ունենալն է:

CARD AgroService ընկերությունը հիմնադրվել է Ագորբիզնեսի և գյուղի զարգացման կենտրոն հիմնադրամի կողմից 2006 թվականին, որպես փակ բաժնետիրական ընկերությունը, որը զբաղվում է գյուղատնտեսական ապրանքների վաճառքով, ապահովում է տեխնիկական աջակցություն և խորհրդատվական ծառայություններ գյուղատնտեսական արտադրության բոլոր ոլորտներում:

CARD AgroService ընկերությունը համաշխարհային ճանաչում ունեցող կազմակերպությունների հետ համագործակցության արդյունքում Հայաստան է ներկրում բարձրորակ ու առաջատար գյուղատնտեսական տեխնոլոգիաներ և ապրանքներ:

•       Ընկերությունը փոքր և միջին ձեռնարկություններին աջակցություն է  տրամադրում իր մասնագետների միջոցով և, այսպիսով, նպաստում տնտեսության բարելավմանը:
•       Աջակցում է ֆերմերներին սննդի արտադրության և շուկայավարման գործընթացում` նպաստելով այդ և նմանատիպ արտադրանքների միջոցով եկամուտների աճին և աշխատատեղերի ստեղծմանը գյուղական բնակչության կենսակերպի կայուն զարգացման համար:
•         CARD AgroService  ընկերության գլխավոր խնդիրն է նպաստել և Լեռնային Ղարաբաղի գյուղատնտեսության զարգացմանը` փոքր և միջին ձեռնարկություններին, փոքր ֆերմերներին և ֆերմերային կոպերատիվներին, ինչպես նաև պետական նախաձեռնություններին նպատակային ու արդյունավետ աջակցություն ապահովելու  միջոցով: Ընկերությունը նպատակ ունի աջակցել տեղական արտադրողներին բարելավելու տեխնոլոգիաները և տեխնիկական օժանդակ հնարավորությունները:
• ԼՂՀ գյուղատնտեսության նախարարությունն ընդունելով, որ CARD AgroService ընկերությունը կարևորագույն դեր է խաղում գյուղատնտեսության և սննդարտադրության ոլորտում, պատրաստ է օժանդակելու այդ   ընկերությանը ԼՂՀ-ում դառնալու ինքնակայուն, խորհրդատվական կազմակերպություն` հոգալու գյուղատնտեսության և ագրոբիզնեսի հատվածի  կարիքները, ըստ հավուր պատշաճի:
• ԼՂՀ գյուղնախարարությունը պատրաստակամ է աջակցելու տնտեսության և մասնավոր հատվածի զարգացմանը ընդհանրապես, և անհատ ֆերմերներին, ինչպես նաև փոքր և միջին ձեռնարկություններին գյուղատնտեսության և սննդանվտանգության ոլորտում` մասնավորապես: 2012 թվականից սկսած երկու կազմակերպությունները պատրաստ են աջակցելու փոքր և միջին ձեռնարկություններին:

ԼՂՀ գյուղատնտեսության նախարարությունը պատրաստ է .

• իր ներկայացուցիչների, առանձնացված ստորաբաժանումների և մարզային ներկայացուցիչների միջոցով ապահովել նախարարության ակտիվ մասնակցությունը և աջակցությունը CARD AgroService ընկերության գործունեությանը:
• իր ներկայացուցիչների միջոցով մասնակցել CARD AgroService ընկերության կողմից իրականացվող դասընթացներին, աջակցել ֆերմերների և մասնագետների համար իրականացվող վերապատրաստման դասընթացների կազմակերպմանը:
• ապահովել նախարարության և նրա առանձնացված ստորաբաժանումների ներկայացուցիչների մասնակցությունը Հայաստանում  և արտերկրում կազմակերպվող ուսումնական և կրթական շրջայցերին:
• ապահովել մասնակցություն ԼՂՀ-ի գյուղատնտեսության զարգացման համար ներկրվող տեխնիկայի, նոր ցեղատեսակների, սերմերի ու սերմնահեղուկի ներկրման համար նախատեսվող աշխատանքներին:

1.         Համագործակցության խնդիրները

CARD AgroService ընկերության գլխավոր խնդիրն է նպաստել Հայաստանի և Լեռնային Ղարաբաղի գյուղատնտեսության զարգացմանը` փոքր և միջին ձեռնարկություններին, փոքր ֆերմերներին և ֆերմերային կոոպերատիվներին, ինչպես նաև պետական նախաձեռնություններին նպատակային ու արդյունավետ աջակցություն ապահովելու միջոցով: Նպաստել գյուղատնտեսական արտադրանքի ու սննդարդյունաբերության բարելավմանը տեղական և միջազգային շուկայի պահանջներին համապատասխան: Աջակցել տեղական արտադրողներին բարելավելու տեխնոլոգիաները և տեխնիկական օժանդակ հնարավորությունները:

ԼՂՀ գյուղատնտեսության նախարարությունն ընդունում է, որ CARD AgroService ընկերությունը կարևորագույն դեր է խաղում գյուղատնտեսության և սննդարտադրության ոլորտում: ԼՂՀ գյուղատնտեսության նախարարությունը պատրաստ է օժանդակելու CARD AgroService ընկերությանը ԼՂՀ-ում դառնալու ինքնակայուն, խորհրդատվական կազմակերպություն` հոգալու գյուղատնտեսության և ագրոբիզնեսի հատվածի կարիքները ըստ հավուր պատշաճի:

2.         Համագործակցության շրջականները

CARD AgroService ընկերությունն իր գործունեությունը Լեռնային Ղարաբաղի Հանրապետությունում սկսել է դեռևս 2009 թվականից ԼՂՀ-ի կառավարության անմիջական աջակցության շնորհիվ: Այդ գործունեությունը հիմանկանում սահմանափակվել է տեխնիկայի և բաձր կաթնատվությամբ անասունների ներկրման շրջանակներում: Սույն հուշագրով կողմերը պատրաստակամություն են հայտնում ընդլայնել համատեղ գործողությունների շրջանակը ԼՂՀ-ի գյուղական համայնքների զարգացմանն աջակցելու համար.

•       անասնապահական և այգեգործական նոր մեթոդներ
•       նոր ցեղատեսակների և սերմերի ներկրում
•       արհեստական սերմնավորում և կենդանիների բուծում
•       ֆերմերների ու անասնաբույժների կարողությունների ու հմտությունների զարգացում
•       կթի նոր տեխնոլոգիաներ
•       կաթնամթերքի արտադրություն տեխնոլոգիաների ներդրում
•       ջերմոցային տնտեսությունների վարում և կառավարում
•       տեխնիկայի ներմուծում և տեխնիկական աջակցություն
•    գինեգործության ու պանրագործության վերաբերյալ վերապատրաստումներ
•     շուկայավարման վերաբերյալ վերապատրաստումներ
•  սննդանվտանգության և սննդապահովության վերաբերյալ վերապատրաստումներ և տեխնիկական աջակցություն
•        < ՎՎՀԿԿ (HACCP) համակարգի ներդրում>
• կենդանիների առողջությանն ուղղված վերապատրաստումներ և   աշխատանքներ
•   ուսումնական և կրթական շրջայցեր Հայաստանում և արտերկրում, և այլն:

Կնքված հուշագրով երկուստեք պատրաստակամություն է հայտնվում ընդլայնել համատեղ գործողությունների շրջանակը  ԼՂՀ-ի գյուղական համայնքների զարգացմանն աջակցելու և գյուղատնտեսության բոլոր ոլորտներում առաջընթաց ապահովելու համար: